ابوذية مني وابوذية منك

تذكير بمساهمة فاتح الموضوع :

احبك حب فلا ينوصف وصفه
وقلبي عليك مثل الذهب واصفه
عليمن يكتب الدكتور وصفه
خدودك والشفايف صيدلية

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

انا الشراي للخوه بلا كم
اوابد ما يسوى كل عمري بلا كم
اذا مره نزل لينه بلاكم
مثل الجنه ونفتحت عليه

من شاف الحسن حسنك شهدلك
و دز غيمة نحل تمطر شهد لك
اهد روحي وبعد مدري شهدلك
اهد كلشي واجيك ازحف بديه

زماني ما شهد لحد ..شهدلي
وحرت وياه شرسله ..شهدلي
واحد كال للثاني ..شهدلي
شهد طارت عليكم هاي هيه

رسم لي الزمان شلون خطه@
بقلم هجرك يناهي كتب خطه @
ادق علفرح مشغول خطه @
يجاوبني الحزن وير د عليه @

يساكي العسل ليش وياي بس مر
وعلى كلبي من فركاك بس مر
قصر لبنيلك من الماس بس مر
تدري بشوفتك وصفة الية

هاي ابوذيه تحشيش تقبلوها مني

زعلت وآآنه من البيت ... طالع
لان شيبي صفه بالراس ... طالع
كلت للحزن انت اليوم ... طالع
بالثلاث

حـلاوة وطـيب للـياكل مـن تمرنا
نـحـب نسمع كلامـك مـن تمرنا
تـمـيل البصـره كلـها مـن تمرنا
ولـك شـط العـرب ياخـذ تحآيه

سقاني الدهر من فرقاك بس مر
وشهد ما شفت من دنياي بس مر
رمش عيني افرشه بساط بس مر
ترد الروح من تسال عليه

يالخذت روحي ارجع وردها

مو سنين العمر ماتت وردها

اجا يركض هالقلب يمك وردها

نهر حبك خيال اصبح اليه

ابوذية منك وعشرة مني
منيزيد


حميتك دافعت عنك ..... ورحمــــــــاك
الطعن اهون ولا عطفك ... ورحمـــاك
كلت اوليك ما عوفك ..... ورحمـــــاك
وليت وطيبتي عمت عليه

عطر منك يمرنه بســـــــد ..... وردنه
زرعنه الخير بينــه وما ....... وردنه
خبر مكتوب لـــــــــو منك ..... وردنه
اجيك زحوف واحجيلك عليه

شماتك يا ضعــــــــــــــن بهواي شتيت
انا بناري و فكــــــــــــــــــر بيك شتيت
اذا انتَ بقميص الصيــــــــــــف شتيت
انا مصلخ شتاك المر عليه

زمان الجـــــــــــــان يزهي كبل ما دام
وبجيت علــــــه الخدود الروح ما دام
عكبهم كلت اســــــــــــم الروح ما دام
مشو عني بعد جا شلي بيه

زهيري
----------
اه مـــن حسنكـــــــم يا زين ومن خالفه
ما ظن احــد بعدكـــم في الارض خالفه
عينكم مرسى بحر موج السفــن خالفه
ولكم صاحب هوى يا صاحبه كم وجر
ما ترحمه بشوفكم صاح بونه لك وجر
لقياك عنده مثل ســل الهنادي لك وجر
سيف الهوى يذبحه كلما النظر خالفه

يالله حيك احمد الحماد وهاي مني


جماللك حيل يسمر خبلاني
ابتليت وبلوه حبك خبلاني
اتجنيت بجمالك خاف بالله اني
انت اشبيك هم مجنون بيه

يهل ناديت بسمي هواي..عيده
ويل ماخذ دليلي وياك..عيده
الگلب مو بس بعد رمضان..عيده
عندي العيد من نگعد سويه

يهل ناديت بسمي هواي..عيده
ويل ماخذ دليلي وياك..عيده
الگلب مو بس بعد رمضان..عيده
عندي العيد من نگعد سويه

اتحداك تردها
تحله البوسه محبوبي من شفاك
عسل وتغمسه اشفافي من اشفاك
تطيب اعضاي كلها من اشفاك
لان شفتك دوة موصوف اليه